बैंक अफ काठमाण्डू (बिओके) र कोरियन भाषा सिकाइ संस्था 'थेयाङ हान्गुल इन्स्टिच्युट' बीच छुट सम्बन्धी सम्झौता भएको छ।
बैंकले आफ्नो कार्ड तथा मोबाइल बैंकिङ प्रयोगकर्ताहरूलाई कोरियन भाषा सिकाउने उक्त इन्स्टिच्युटमा भाषा कक्षा शुल्कमा २५ प्रतिशत छुट उपलब्ध गराउने भएको हो।
उक्त सम्झौतापछि रोजगार अनुपति प्रणाली (इपिएस) अन्तर्गत वा अन्य माध्यमबाट कोरिया जान इच्छुकहरूले ग्वार्कोमा रहेको उक्त इन्स्टिच्युटबाट कोरियन भाषा पढेमा बैंकको कार्ड तथा मोबाइल बैंकिङबाट क्युआर कोड स्क्यान गरी भाषा शुल्क भुक्तानी गरेमा २५ प्रतिशत छुट पाउने बताइएको छ।
बैंकले हालसम्म १०३ शाखा कार्यालयहरू, ९८ एटिएम र १० एक्स्टेन्सन काउन्टरबाट ग्राहकहरूलाई बैंकिङ सेवा प्रदान गर्दै आइरहेको छ।
