गाभ्ने गाभिने प्रक्रियामा कारोबार रोक्का रहेको रिलायन्स लाइफ इन्स्योरेन्सको शुक्रबार अचानक सेयर कारोबार भएको छ।
कम्पनीको सेयर मूल्य १० प्रतिशतले बढेर सकारात्मक सर्किट लागेपछि मात्रै त्यसमा सबैको ध्यान पुगेको हो। कम्पनीको सेयर मूल्य १० प्रतिशतले बढेर ३६८ रुपैयाँ ५० पैसा कायम भएको छ।
कम्पनीको ६१० कित्ता सेयर किनबेच हुँदा २ लाख २४ हजार १२६ रुपैयाँ बराबरको कारोबार भएको छ।
कम्पनीको सेयर कारोबार कसरी भएको भन्ने अध्ययन भइरहेको र त्यसपछि मात्रै शुक्रबारको कारोबार के हुन्छ भन्ने निर्णय हुने नेप्सेका प्रवक्ता मुराहरी पराजुलीले बताए ।
पराजुलीले भने ‘रोक्का रहेकै अवस्थामा कम्पनीको कारोबार भएको छ, के कसरी भयो प्राविधिक टोलीले हेरिरहनुभएको भएको छ। अध्ययनपछि मात्र के भएको हो भन्न सकिन्छ।’
कम्पनीले सानिमा लाइफ इन्स्योरेन्ससँग मर्जर सम्झौता गरेपछि असार २९ गतेदेखि कारोबार रोक्का भएको थियो ।
.JPG)
