सानिमा बैंकका ग्राहकहरूले अब नमस्ते पे वालेटबाट कारोबार गर्न सक्ने भएका छन्।
ग्राहकहरूले नमस्ते पे वालेटबाट बैंकको मोबाइल बैंकिङ लगइन गरी सजिलै रकम रकमान्तर गर्न सक्नेछन्।
बैंकले ग्राहकहरूका लागि मोबाइल बैंकिङ एप मार्फत फन्ड लोड गर्ने प्रणालीको व्यवस्था चाँडै नै उपलब्ध गराउने बताएको छ।
हाल बैंकले मोबाइल बैंकिङ एपबाट इसेवा, खल्ती र नमस्ते पे वालेट गरी तीन वटा वालेटमा सेवा उपलब्ध गराइरहेको छ ।
बैंकको देशभर १२७ कार्यालयहरू र १२० वटा एटिएम सञ्चालनमा रहेका छन्।
