सानिमा बैंकले आफना ग्राहकहरुलाई नो डेटा नो प्रब्लम योजनाअन्तर्गत मोबाइल बैंकिङ सेवा प्रयोग गर्न निःशुल्क इन्टरनेट डेटा उपलब्ध गराउने भएको छ।
यो योजनाअन्तर्गत नेपाल टेलिकम वा एनसेल सिम प्रयोग गर्ने बैंकका ग्राहकहरुले सानिमा मोबाइल बैंकिङ एप प्रयोग गर्न निःशुल्क इन्टरनेट डेटा पाउँछन्।
मोबाइल बैंकिङ एप प्रयोगकर्ताहरुले एपमा रहेका सबै सेवाहरु जस्तै फन्ड ट्रान्सफर, बिलभुक्तानी, क्युआर कोड भुक्तानी, मोबाइल टपअप प्रयोग गर्दा असिमित निःशुल्क इन्टरनेट डेटा प्रयोग गर्न पाउनेछन्। यो योजना १ अगष्ट, २०२२ देखि लागू हुनेछ ।
सानिमा बैंकले डिजिटल बैंकिङको अधिकतम प्रयोग र नगदरहित कारोबारलाई प्रोत्साहनगर्न यो सेवा ल्याएको हो।
सानिमा बंैकका देशभर १२७ वटा कार्यालय तथा १२० वटा ए.टि.एम. संचालनमा छन्।
