बैंक अफ काठमाण्डूले मेलम्ची खानेपानी आयोजना सम्बन्धी परेको भुक्तानी सम्बन्धी मुद्दा जितेको छ।
आयोजनाको ठेकेदार चाइना रेल्वेका लागि चाइना कन्स्ट्रक्सन बैंकको तर्फबाट काउन्टर ग्यारेन्टी प्राप्त गरी सो वापत आयोजनाको नाममा अग्रिम भुक्तानी जमानत जारी गरेको बैंकले उक्त मुद्धा जितेको हो।
आयोजनाको ठेक्का पाएको चाइना रेल्वेकातर्फबाट ग्यारेन्टी बसेको चीनको बैंक चाइना कन्स्ट्रक्सन बैंकले बैंक अफ काठमाण्डू लिमिटेडलाई काउन्टर ग्यारेन्टी दिएको थियो।
फैसलासंगै बैंकले काउन्टर ग्यारेन्टी वापतका मेलम्ची खानेपानी आयोजनालाई भुक्तानी गरिदिएको ६६ लाख २५ हजार १० अमेरिकन डलर र १४ लाख ११ हजार ४५३ वापत रकम बैंकले फिर्ता पाउने भएको बैंकका प्रमुख कार्यकारी अधिकृत श्रवण मास्केले जानकारी दिए।
