नेप्से घट्ने क्रमले बुधबार पनि निरन्तरता पाएको छ। आज नेप्से परिसूचक ६.७२ अंकले घटेको छ। यस दिन नेप्से परिसूचक ०.३१ प्रतिशतले घटेर २१८६.७६ बिन्दुमा पुगेर बन्द भएको हो।
बुधबार कारोबारमा आएका २१८ वटा धितोपत्र तथा ऋणपत्रको ४ अर्ब २ करोड ९९ लाख ४ हजार २५१ रुपैयाँ बराबरको सेयर खरिद–बिक्री भएको छ।
बुधबार पनि बजारमा नाफा बुक गर्ने लगानीकर्ता सक्रिय हुँदा नेप्से प्रभावित भएको छ। मंगलबारको तुलनामा आज कारोबार रकम भने बढेको छ। मंगलबार ३ अर्ब २९ करोड ३२ लाख ३४ हजार ७०६ रुपैयाँ बराबरको सेयर खरिद–बिक्री भएको थियो।
बुधबार सामलिङ पावरको सेयर मूल्य सर्वाधिक ९.९९ प्रतिशतले बढेर प्रतिकित्ता मूल्य ६१५ रुपैयाँ ७० पैसा कायम भएको छ।
त्यस्तै, बलेफी हाइड्रोपावरको सेयर मूल्य ९.९७ प्रतिशतले बढेर प्रतिकित्ता मूल्य ३२९ रुपैयाँ ७० पैसामा कारोबार भएको छ।
यस दिन सेयर मूल्य सर्वाधिक घट्नेमा स्ट्याण्डर्ड चार्टर्ड बैंक र गुडविल फाइनान्स रहेको छ।
स्ट्याण्डर्ड चार्टर्ड बैंकको सेयर मूल्य ३.९२ र गुडविल फाइनान्सको सेयर मूल्य ३.४३ प्रतिशतले घटेर अन्तिम मूल्य क्रमशः ४५६ र ५८९ रुपैयाँ १० पैसा कायम भएको छ।
बुधबार सर्वाधिक सेयर खरिद–बिक्री शिवम् सिमेन्टको भएको छ। कम्पनीको २५ करोड ३४ लाख रुपैयाँ बराबरको सेयर खरिद–बिक्री भएको हो। सो कम्पनीको सेयर मूल्य प्रतिकित्ता ८०९ रुपैयाँ कायम भएको छ। यो मूल्य अघिल्लो दिनको तुलनामा २.२९ प्रतिशतले घटेको हो।
सर्वाधिक सेयर खरिद–बिक्री हुने दोस्रो कम्पनीमा अपि पावर कम्पनी रहेको छ। यस दिन उक्त कम्पनीको प्रतिकित्ता मूल्य २८८ रुपैयाँमा १५ करोड १७ लाख रुपैयाँ बराबरको सेयर खरिद–बिक्री भएको छ।
त्यस्तै, आज कारोबारमा आएका १३ वटा समूहगत परिसूचकमध्ये चार वटा समूहको परिसूचक बढेको छ भने बाँकी नौ समूहको परिसूचक घटेको छ।
यस दिन व्यापार समूहको परिसूचक सर्वाधिक ३.८१ प्रतिशतले बढेको छ भने जलविद्युत समूहको परिसूचक १.६४ प्रतिशतले बढेको हो।
त्यस्तै, अन्य समूहको परिसूचक सर्वाधिक १.११ प्रतिशतले घटेको छ।
