साथी पार्टनर्स लिमिटेडले पुँजी बढाउनका लागि आन्तरिक सेयर बिक्री गर्ने भएको छ।
चालु आर्थिक वर्षमा १५ करोड ७३ लाख चुक्ता पुँजी पुर्याउने उद्देश्य सहित १० लाख कित्ता संस्थापक शेयर आन्तरिक बिक्री मार्फत व्यवसायिक सोचका व्यक्तित्वहरू कम्पनीमा जोड्ने लक्ष्य रहेको कम्पनीको संस्थापक अध्यक्ष तथा साथीमार्टका सिइओ सागर पोखरेल जानकारी दिए।
‘२०८०\८१ भित्र कम्पनीको कुल चुक्ता पुँजी एक अर्ब ५० करोड पुर्याई आइपिओमा समेत जाने लक्ष्य छ,’ पोखरेल भन्छन् ‘आगामी योजनाहरू कार्यन्वयन गर्नको लागि कम्पनीले करिब १० लाख कित्ता सेयर समुह, प्रमोटर तथा आन्तरिक स्रोतमार्फत पुँजी वृद्धि गर्ने र कम्पनीको चुक्ता पुँजी हाललाई १५ करोड ७३ लाख रुपैयाँ पुर्याउने लक्ष्य राखेका छौं।’
साथी पार्टनर्स लिमिटेड पब्लिक भेन्चर कम्पनी साथीमार्टको समुहमार्फत केही विषेश तथा ठूला योजना सहित श्रावण १ गतेबाट औपचारिक रुपमा सुरू भएको हो।
यो कम्पनी अन्तर्गत साथीमार्ट, साथी प्रोडक्सन, इलेक्ट्रेनिक्स, उत्पादन, कृषी, कपडा ब्राण्ड, मःम फुड तथा फ्रोजन, कस्मेटिक, टेक्नोलोजी लगायत ७ भन्दा बढी कम्पनीमा लगानी गरी देशकै राम्रो ग्रुप अफ कम्पनी बनाउने लक्ष्य रहेको कम्पनीले जनाएको छ।
यस कम्पनीको स्थापनाले साथीमार्टको उत्पादनदेखि रिटेल सम्मका क्षेत्रमा काम गरी लोकल उत्पादकलाई राष्ट्रिय र अन्तराष्ट्रिय बजारसम्म पुग्ने उद्देश्यमा ठूलो फढको मार्ने कम्पनीको दावी छ।
उक्त कम्पनीमा ५ जनाको संचालक समिति छ। सातभन्दा बढी कम्पनीमा लगानी गरी उत्पादनदेखि रिटेल, टेक्नोलोजीदेखि अनलाइन सपिङ र कृषि क्षेत्रका राम्रा व्यवसायिक योजनामा काम गर्ने यस पब्लिक कम्पनीको अधिकृत पुँजी ५० करोड र चुत्ता पुजी हाललाई ५ करोड ७३ लाख रहेको पोखरेलले जानकारी दिए।
