बैंक अफ काठमाण्डू ग्राहकहरूले मानसरोवर मनोरञ्जन पार्क एण्ड रिसोर्टमा १० प्रतिशत छुट पाउने भएका छन्।
सोमबार बैंक र रिसोर्टबीच बैंकको डेबिट कार्ड, क्रेडिट कार्ड तथा मोबाइल बैंकिङबाट क्युआर कोड स्क्यान गरी भुक्तानी गर्दा ग्राहकहरूलाई १० प्रतिशत छुट उपलब्ध गराउने विषयमा सम्झौता भएको हो।
यस सम्झौतापछि ग्राहकहरूले उक्त रिसोर्टमा उपलब्ध हुने सेवामा एकमुष्ठ १० प्रतिशत छुट पाउने बैंकले जानकारी दिएको छ।
उक्त छुटको उपयोग गर्न ग्राहकहरूले बैंकको कार्ड तथा मोबाइल बैंकिङको प्रयोग गरी भुक्तानी गर्नुपर्ने बैंकले बताएको छ।
हालसम्म बैंकले एक सय तीन शाखा कार्यालय, ९८ वटा एटिएम र १० एक्स्टेन्सन काउन्टरमार्फत बैंकिङ सुविधा प्रदान गर्दै आइरहेको छ।
