हिमालयन बैंकले महाराजगञ्जस्थित कान्ति बाल अस्पतालमा नगद संकलन काउन्टर सञ्चालनमा ल्याएको छ।
सोमबार एक समारोहमा बैंक र अस्पतालबीच उक्त काउन्टर सञ्चालन गर्ने सम्बन्धी सम्झौता भएको हो।
बैंकले अस्पतालमा उक्त सेवा २४सै घण्टा प्रदान गर्ने बताएको छ। सो काउन्टरमा विभिन्न कार्डहरूबाट पनि भुक्तानी गर्न सकिने छ।
बैंकका अनुसार उक्त सेवाले अस्पतालमा सेवा लिन आउने बिरामी एवं बिरामीहरूका परिवार/आफन्तजन तथा अस्पतालका कर्मचारीलाई सहजता प्रदान गर्नेछ।
उक्त सम्झौता पत्रमा बैंकका तर्फबाट महाप्रबन्धक उज्जल राजभण्डारी र अस्पतालका तर्फबाट अस्पतालका निर्देशक डा. युवानिधि बसौलाले हस्ताक्षर गरेका हुन्।
