भएकै बीमा कम्पनीहरू मर्जर गरिरहेको बीमा समितिले लघु बीमा कम्पनी स्थापनाको लागि भने आह्वान गरेको छ।
सिमितिले सार्वजनिक गरेको सूचनामा कुल सात (तीन वटा जीवन र चार वटा निर्जीवन बीमा) कम्पनी खोल्न सकिने भन्दै प्रस्ताव माग गरेको हो।
समितिले ३५ दिनभित्र शिलवन्दी प्रस्ताव पेश गर्न भनेको छ। लघु बीमा कम्पनीको लागि कम्तीमा ७५ करोड चुक्ता पुँजी हुनुपर्ने व्यवस्था गरिएको छ।
आवेदन दिने कम्पनीले जीवन र निर्जीवन बीमा दुवै वा एक मात्र लघुबीमा कार्यक्रम सञ्चालन गर्न सकिने व्यवस्था समेत गरिएको छ। तर, एक किसिमको मात्र व्यवसाय गर्ने दुई वटै संस्थामा भने सेयर हिस्सेदारी रहन नपाउने व्यवस्था गरिएको छ।
हाल बीमा क्षेत्रमा सञ्चालनमा रहेका कम्पनीहरूको संख्या ४१ वटासम्म छ।
संख्या धेरै भएको भन्दै समितिले हकप्रद जारी गर्न नपाउने व्यवस्था सहित बीमा कम्पनीहरूको चुक्ता पुँजी वृद्धिको नीति लिएको छ।
जीवन बीमा कम्पनीलाई पाँच अर्ब र निर्जीवन बीमा कम्पनीलाई साढे दुई अर्ब रुपैयाँ पुँजी पुर्याउन निर्देशन दिइएको छ। यही कारण केही समययता बीमा कम्पनीहरू मर्जरमा जान थालेका छन्।
