शुक्रबार नेप्से परिसूचक १६.९३ अंकले घटेको छ। आज नेप्से ०.८३ अंकले घटेर २०२२.६२ बिन्दुमा पुगेर बन्द भएको छ।
यस दिन २१३ वटा धितोपत्रको १ अर्ब २९ करोड ४८ लाख ३२ हजार ८२० रुपैयाँ बराबरको कारोबार भएको छ।
शुक्रबार एलआइएसी नेपालको सेयर मूल्य सर्वाधिक ५.९५ प्रतिशतले बढेर प्रतिकित्ता मूल्य एक हजार ४४५ रुपैयाँ कायम भएको छ।
त्यस्तै, अपर हेवाखोला हाइड्रोपावरको सेयर मूल्य ५.३८ प्रतिशतले बढेर प्रतिकित्ता मूल्य ३८४ रुपैयाँ कायम भएको छ।
यस दिन सेयर मूल्य सर्वाधिक घट्नेमा पञ्चकन्या माई हाइड्रोपावर रहेको छ। कम्पनीको सेयर मूल्य ४.८८ प्रतिशतले घटेर प्रतिकित्ता मूल्य २३१ रुपैयाँ ८० पैसामा झरेको छ।
त्यस्तै, कालिका पावरको सेयर मूल्य ४.३९ प्रतिशतले घटेर प्रतिकित्ता मूल्य ३९० रुपैयाँ पुगेको छ।
यस दिन सर्वाधिक सेयर खरिद–बिक्री भने हिमाल दोलखा हाइड्रोपावरको भएको छ। कम्पनीको ६ करोड ६८ लाख रुपैयाँ बराबरको सेयर खरिद–बिक्री भएको हो। सो कम्पनीको सेयर मूल्य प्रतिकित्ता २१६ रुपैयाँ कायम भएको छ। यो मूल्य अघिल्लो दिनको तुलनामा ३.४४ प्रतिशत घटेको हो।
सर्वाधिक सेयर खरिद–बिक्री हुने दास्रो कम्पनीमा रिडी पावर कम्पनी रहेको छ। उक्त कम्पनीको ५९१ रुपैयाँमा ५ करोड ८७ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये जीवन बीमा कम्पनीको परिसूचक ०.३१ प्रतिशतले बढेको छ भने बाँकी सबै समूहको परिसूचक घट्दा समग्र नेप्से घटेको हो।
यस दिन व्यापार समूहको परिसूचक सर्वाधिक १.८९ प्रतिशतले घटेको हो।
त्यस्तै, वित्त समूहको परिसूचक १.८७ प्रतिशत, जलविद्युत समूहको परिसूचक १.६८ प्रतिशत, विकास बैंक समूहको परिसूचक १.२९ प्रतिशत, उत्पादन तथा प्रशोधन समूहको परिसूचक १.०८ प्रतिशत र लगानी समूहको परिसूचक १.०४ प्रतिशतले घटेको छ।
