साताको पहिलो कारोबार दिन सोमबार नेप्से परिसूचक ३.७६ अंकले बढेको छ।
आज नेप्से ०.१९ प्रतिशतले बढेर १९९३.०२ बिन्दुमा पुगेर बन्द भएको छ।
यस दिन २२२ वटा धितोपत्रको १ अर्ब २६ करोड ६६ लाख १९ हजार १५० रुपैयाँ बराबरको कारोबार भएको छ।
नेप्से परिसूचक बढेपनि यस दिन कारोबार रकम भने घटेको छ। आइतबार २ अर्ब ५ करोड ९७ लाख ३७ हजार १०३ रुपैयाँ बराबरको कारोबार भएको थियो।
सोमबार विन नेपाल लघुविको सेयर मूल्य सर्वाधिक ७.७८ प्रतिशतले बढेर प्रतिकित्ता मूल्य एक हजार ४९ रुपैयाँ कायम भएको छ।
त्यस्तै, रिलायन्स फाइनान्सको सेयर मूल्य ६.६४ प्रतिशतले बढेर मूल्य ३५१ रुपैयाँ ९० पैसा कायम भएको छ।
यस दिन सेयर मूल्य सर्वाधिक घट्नेमा रुरु जलविद्युत परियोजना रहेको छ। कम्पनीको सेयर मूल्य ५.७० प्रतिशतले घटेर प्रतिकित्ता मूल्य ८८६ रुपैयाँमा झरेको छ।
यस दिन सर्वाधिक सेयर खरिद–बिक्री भने नेपाल दूरसञ्चार कम्पनीको भएको छ। कम्पनीको ११ करोड २५ लाख रुपैयाँ बराबरको सेयर खरिद–बिक्री भएको हो।
सो कम्पनीको सेयर मूल्य प्रतिकित्ता ९१० रुपैयाँ कायम भएको छ। यो मूल्य अघिल्लो दिनको तुलनामा १ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा अरुण कावेली पावर रहेको छ। उक्त कम्पनीको ४६० रुपैयाँमा ५ रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये ४ वटा समूहको परिसूचक घटेको छ भने बाँकी ८ समूहको परिसूचक बढेको छ।
यस दिन म्युचुअल फण्ड समूहको परिसूचक सर्वाधिक १.१२ प्रतिशतले घटेको हो।
त्यस्तै, वित्त समूहको परिसूचक सर्वाधिक १.८९ प्रतिशत, र होटल्स तथा पर्यटन समूहको परिसूचक १.३४ प्रतिशतले बढेको छ।
