सनराइज बैंकले थप चार स्थानमा शाखारहित बैंकिङ सेवाको विस्तार गरेको छ।
बैंकको ९२औं र ९३औं शाखारहित बैंकिङ सेवा कल्याणपुर नगरपालिका ईटारी प्रसाही, सिराहामा र रौतहट जिल्लाको फतुवाविजयपुर नगरपालिका दुधिअवामा विस्तार गरेको हो।
यसैगरी बैंकले ९४औं शाखारहित बैंकिङ सेवा सिराहा जिल्लाको लहान नगरपालिका शोभापुरमा सञ्चालनमा ल्याएकोे छ।
साथै, ९५औं शाखारहित बैंकिङ सेवाको सुरूवात बैंकले झापा जिल्लाको झापा गाउँपालिका, शरणामतीमा गरेको छ।
शाखारहित बैंकिङ सेवाअन्तर्गत एटिएम कार्डमार्फत कारोबार गर्न सकिने तथा यस सेवाबाट ग्राहकले निक्षेप संकलन, रकम भुक्तानी, रकम स्थानान्तरण, बिल भुक्तानी जस्ता सेवाहरू लिन सकिने बैंकले जनाएको छ।
कृषि र रेमिटेन्स प्रमुख आयस्रोत रहेको सो क्षेत्रका बासिन्दाहरूमा बैंकिङ पहुँच बढाउने उद्देश्यले उक्त बैंकिङ सेवा सुरू गरेको बैंकले जनाएको छ।
हालसम्म बैंकले १३९ वटा शाखा, ९५ वटा शाखारहित बैंकिङ सेवा, १३ वटा एक्सटेन्सन काउण्टर र १५९ वटा एटिएममार्फत ७ लाखभन्दा बढी ग्राहकलाई बैंकिङ सेवा प्रदान गर्दै आइरहेको छ।
