नबिल बैंक र दराज बीच 'दराज दसैं धमाका' महोत्सवका लागि सम्झौता भएको छ।
नबिलले नजिकिँदै गरेको दसैंलाई ध्यानमा राखी यही आउँदो भदौ २९ गतेबाट दराजबाट किनमेल गर्दा नबिल कार्डवाहकलाई विशेष छुटको व्यवस्था गरेको छ।
दराज दसैं धमाकाको अवधिमा अनलाइन सामान किन्दा नबिलको डेबिट कार्डमार्फत अग्रिम भुक्तानीमा अधिकतम १५ प्रतिशत वा २ हजार रूपैयाँसम्मको छुट र क्रेडिट कार्डमार्फत अग्रिम भुक्तानीमा अधिकतम २० प्रतिशत वा २ हजार ५ सय रूपैयाँसम्मको छुट प्राप्त गर्न सक्नेछन्।
बैंकका अनुसार उक्त छुट प्राप्त गर्न ग्राहकले आफ्नो कार्ड इ–कमर्सका लागि सक्रिय गर्नुपर्नेछ।
दराज दसैं धमाका-२०७९ का लागि नबिलका तर्फबाट बैंकका रिटेल कारोबार प्रमुख निरज शर्मा र दराजका तर्फबाट अरुण फुयालले हस्ताक्षर गरेका थिए।
रिटेल कारोबार प्रमुख शर्माले यो सहकार्य आफैंमा एउटा उत्सव भएको बताए। यस महोत्सवले दराजका साथै नबिल कार्डवाहकमाझ छुट्टै उत्साह थपिनेमा आफू विश्वस्त रहेको दराजका अरुण फुयालले बताए।
नबिल बैंकका देशभरि २३३ शाखाहरू र २६९ एटिएम काउन्टर छन्।
