राष्ट्र बैंकले दाङमा रहेको सुपर लघुवित्त वित्तीय संस्था लिमिटेडलाई समस्याग्रस्त घोषणा गरेको छ।
संस्थाको हितविपरित व्यक्तिगत लाभका लागि सञ्चालक समिति अध्यक्ष र सदस्यहरूले नक्कली ऋणी खडा गरेर कर्जा प्रवाह गरेर दुरुपयोग गरेको पाइएको थियो।
२०७८ असोज मसान्तको वित्तीय विवरणको आधारमा गरिएको समष्ठिगत स्थलगत निरीक्षण र त्यसपछिको विशेष निरीक्षणको आधारमा संस्थालाई समस्याग्रस्त घोषणा गरिएको राष्ट्र बैंकले उल्लेख गरेको छ।
संस्थाको पुँजीकोष अनुपात समेत १०.३१ प्रतिशतले ऋणात्मक भएपछि गत चैत २ गते राष्ट्र बैंकले शीघ्र सुधारात्मक कारवाहीअन्तर्गत गरिएको प्रश्नको जवाफ सन्तोषजनक नभएपछि राष्ट्र बैंकले यस्तो कदम चालेको हो।
