मंगलबार अन्तर दिनको कारोबारमा नेप्से परिसूचक २२ महिना यताकै न्यून बिन्दुमा आइपुगेको छ।
मंगलबार १२ बजेर २५ मिनेट जाँदा नेप्से १८४१.९५ बिन्दुमा आएको छ।
नेप्से ९ मंसिर २०७७ यताकै न्यून बिन्दुमा आएको हो।
सो समय नेप्से १८१० बिन्दुमा थियो। त्यसयता नेप्से पहिलो पटक १८४१.९५ बिन्दुमा आएको हो।
हुनतः ९ असार २०७९ मा १८४८ बिन्दुसम्म पुगेर बजार २१९३ सम्म फर्किएको थियो। नेप्सेले अहिले पनि १८४८ बिन्दुकै टेवा परीक्षण गरिरहेको छ।
यस दिन यो समाचार तयार पार्दासम्म बजारमा ३८ करोड रुपैयाँको सेयर कारोबार भएको छ। निक्षेपको ब्याजदरमा भइरहेको वृद्धि पछि लगानीकर्ताहरु अत्तालिएका छन्। दशैंको लागि पुँजी जुटाउनुपर्ने समयमा बजारमा भइरहेको गिरावटले पनि लगानीकर्ताहरु केही आत्तिएका छन्।
