राष्ट्र बैंकले सोमबार १८ अर्ब २० करोडको ट्रेजरी विल्स (सरकारी ऋणपत्र) बिक्री गर्ने भएको छ।
सरकारको लागि ऋण उठाउन पहिले बिक्री भएर अवधि परिपक्व भएका ऋणपत्रहरू पुनः नविकरण गरिन लागिएको हो।
विभिन्न परिपक्व अवधि भएका चार किसिमका ऋणपत्रहरू बिक्री राखिएको हो।
दुई अर्ब रुपैयाँको २८ दिने अवधिको, पाँच अर्ब २० करोडको ९१ दिने अवधिको, पाँच अर्ब रुपैयाँको एक सय ८२ दिने अवधिको र छ अर्ब रुपैयाँको तीन सय ६४ दिने अवधिको ऋणपत्र नविकरण गरिन लागेको हो।
गत असोज २४ मा पनि यस्तै विभिन्न अवधिको ऋणपत्र नविकरण हुने गरि बिक्री गरिएको थियो। यिनमा औसत ब्याजदर ९.५४ देखि १०.१४ सम्म कायम भएको थियो।
ट्रेजरी विल्सको बोलकबोलमा बैंक तथा वित्तीय संस्था, गैर–बैंक वित्तीय संस्था, संगठित संस्थाका साथै सर्वसाधारण नेपाल नागरिकले सहभागी हुन सक्छन्।
