मुक्तिनाथ कृषि कम्पनीले चौथो वार्षिक साधारण सभा शुक्रबार सम्पन्न गरेको छ।
उक्त सभाले ५५.५५ प्रतिशत हकप्रद सेयर निष्कासन गर्ने प्रस्ताव पारित गरेको छ।
साथै, कम्पानीको चुक्ता तथा जारी पुँजी क्रमशः ५६ करोड र ७० करोड पुर्याउने प्रस्ताव समेत पनि पारित गरेको छ।
त्यस्तै, सभाले आर्थिक २०७८/०७९ को वार्षिक प्रतिवेदन उपर छलफल तथा पारित सोही आर्थिक वर्षको वासलात, नाफा नोक्सान हिसाव, नगद प्रवाह लगायतका विवरण माथि छलफल तथा पारित र आगामी आर्थिक वर्षको लागि लेखा परीक्षकको नियुक्ति तथा पारिश्रमिक निर्धारण गरेको छ।
साथै कम्पनीको प्रबन्धपत्र तथा नियमावली संशोधन गर्ने प्रस्ताव समेत पारित उक्त सभाले गरेको हो।
कार्यक्रमको अध्यक्षता कार्यकारी अध्यक्ष भरतराज ढकालले गरेका थिए।
यस कम्पनी मुक्तिनाथ विकास बैंक तथा नेपालका विभिन्न व्यवसायिक क्षेत्रमा संलग्न व्यक्तिहरूको लगानीमा स्थापना भई समग्र कृषि मूल्य शृंखलामा व्यवस्थापकीय भूमिका निर्वाह गर्ने उद्देश्यका साथ अगाडी बढिराखेको बताइएको छ।
