साताको दोस्रो कारोबार दिन सोमबार नेप्से परिसूचक २.६१ अंकले घटेको छ।
आज नेप्से ०.१४ प्रतिशतले घटेर १८५८.३३ बिन्दुमा पुगेर बन्द भएको छ।
यस दिन २१९ वटा धितोपत्रको ५१ करोड ५८ लाख १८ हजार ९९० रुपैयाँ बराबरको कारोबार भएको छ।
आइतबारको तुलनामा आज कारोबार रकम घटेको छ। आइतबार ८० करोड ३५ लाख २५ हजार ५३३ रुपैयाँ बराबरको कारोबार थियो।
सोमबार अभियान लघुवित्तको सेयरमूल्यमा सकारात्मक सर्किट लागेको छ।
कम्पनीको सेयर ९.९९ प्रतिशतले वृद्धि भएर ८०८ रुपैयाँमा बन्द भएको छ।
त्यस्तै, सयपत्री हाइड्रोपावरको सेयर मूल्य ९.९६ प्रतिशतले बढेको छ। उक्त कम्पनीको सेयर मूल्य २१४ रुपैयाँ २० पैसा पुगेको छ।
यस दिन सेयर मूल्य सर्वाधिक घट्नेमा पिपुल्स पावर रहेको छ। कम्पनीको सेयर मूल्य ९.९७ प्रतिशतले घटेर प्रतिकित्ता मूल्य २३० रुपैयाँ २० पैसामा झरेको छ।
त्यस्तै, बलेफी हाइड्रोपावरको सेयर मूल्य ५.१० प्रतिशतले घटेर प्रतिकित्ता मूल्य २४२ रुपैयाँ कायम भएको छ।
यस दिन सर्वाधिक सेयर खरिद–बिक्री नबिल बैंकको भएको छ। कम्पनीको ७९४ रुपैयाँमा २ करोड ७९ लाख रुपैयाँ बराबरको सेयर खरिद–बिक्री भएको हो।
सर्वाधिक सेयर खरिद–बिक्री हुने दोस्रो सूचीमा प्रभु बैंक रहेको छ। उक्त बैंकको २०७ रुपैयाँमा २ करोड ६१ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सात समूहको परिसूचक घटेको छ भने बाँकी छ समूहको परिसूचक बढेको छ।
यस दिन वित्त समूहको परिसूचक सर्वाधिक १.१ प्रतिशतले घटेको छ। दोस्रोमा विकास बैंक समूहको परिसूचक ०.८२ प्रतिशतले घटेको छ।
