बिहीबार नेप्से परिसूचक १.३८ अंकले घटेको छ।
आज नेप्से ०.०७ प्रतिशतले घटेर १८४४.१४ बिन्दुमा पुगेर बन्द भएको छ।
यस दिन २२१ वटा धितोपत्रको ५० करोड ७६ लाख ८९ हजार ५६१ रुपैयाँ बराबरको कारोबार भएको छ।
बुधबारको तुलनामा कारोबार रकम पनि घटेको छ। बुधबार ६४ करोड ३६ लाख ७ हजार ९७५ रुपैयाँ बराबरको कारोबार भएको थियो।
बिहीबार सयपत्री हाइड्रोपावरको सेयरमूल्य सर्वाधिक ९.९७ प्रतिशतले वृद्धि भएर २५९ रुपैयाँमा १० पैसामा बन्द भएको छ।
त्यस्तै, बिन्ध्यवासिनी हाइड्रोपावरको सेयर मूल्य ४.३७ प्रतिशतले बढेको छ। उक्त कम्पनीको सेयर मूल्य ३३६ रुपैयाँ ६० पैसा पुगेको छ।
यस दिन सेयर मूल्य सर्वाधिक घट्नेमा सेन्चुरी डिबेञ्चर २०८८ रहेको छ। कम्पनीको सेयर मूल्य ७.७३ प्रतिशतले घटेर प्रतिकित्ता मूल्य ८५१ रुपैयाँ ३० पैसामा झरेको छ।
त्यस्तै, सामुदायिक लघुवित्तको सेयर मूल्य ७.६७ प्रतिशतले घटेर प्रतिकित्ता मूल्य एक हजार १९२ रुपैयाँ कायम भएको छ।
यस दिन सर्वाधिक सेयर खरिद–बिक्री अभियान लघुवित्तको भएको छ। कम्पनीको ८३० रुपैयाँ २० पैसामा ३ करोड ६९ लाख रुपैयाँ बराबरको सेयर खरिद–बिक्री भएको हो।
यो मूल्य अघिल्लो दिनको तुलनामा ६.५९ प्रतिशतले घटेको हो।
सर्वाधिक सेयर खरिद–बिक्री हुने दोस्रो सूचीमा गरिमा विकास बैंक रहेको छ। उक्त बैंकको ३८० रुपैयाँमा २ करोड ६७ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये व्यापार समूहको परिसूचक ०.६९ प्रतिशत, विकास बैंक समूहको परिसूचक ०.२५ प्रतिशत र लगानी समूहको परिसूचक ०.१७ प्रतिशतले बढेको छ भने बाँकी सबै समूहको परिसूचक घटेको छ।
