असोजमा वाणिज्य बैंकहरूको निक्षेप ६१ अर्ब रूपैयाँले बढ्दा कर्जा लगानी भने ३० अर्ब रूपैयाँले वृद्धि भएको छ।
बैंक तथा वित्तीय संस्थाहरूले असोजमा निक्षेपको ब्याजदर ११.०३ बाट बढाएर १२.१३३ सम्म पुर्याएपछि पनि निक्षेपमा केही सुधार भएको छ।
त्यसबाहेक सरकारी खर्चमा भएको वृद्धि, रेमिटेन्स भित्रिने दरमा भएको वृद्धिले पनि निक्षेप बढेको हो।
नबिल बैंक, नेपाल इन्भेष्टमेन्ट, ग्लोबल आइएमई, प्रभु, सिटिजन्स बैंकमा निक्षेप बढेको छ। सनराइज, एनबी, एनआइसी एशिया, एभरेष्ट, कुमारी बैंकबाट भने निक्षेप घटेको छ।
नबिल बैंकले सबैभन्दा धेरै १५ प्रतिशतसम्म ब्याजदर प्रस्ताव गरेपछि निक्षेप करिब आठ अर्बले बढेको छ।
नेपाल इन्भेष्टमेन्ट, नबिल, मेगा, नेपाल एसबिआई, हिमालयनलगायतका बैंकहरूको कर्जा लगानी तीन अर्ब रूपैयाँसम्म बढेको छ। असोजमा बैंकहरूको औसत कर्जा निक्षेप अनुपात ८७.२० प्रतिशत छ।
वाणिज्य बैंकहरूको निक्षेप तथा कर्जा रू. अर्बमा
