युनिलिभर नेपालले आर्थिक वर्ष २०७८/७९ को नाफाबाट प्रतिकित्ता १२ सय १५ रुपैयाँका दरले नगद लाभांश दिने भएको छ।
कम्पनीको बुधबार बसेको सञ्चालक समितिकाे बैठकले उक्त नगद लाभांश दिने निर्णय गरेको हो।
यो लाभांश प्रस्ताव कम्पनीको आगामी वार्षिक साधारण सभाबाट पारित भएपछि वितरण हुनेछ।
साधारण सभा प्रयोजनको लागि कम्पनीले मंसिर ४ गतेदेखि मंसिर २० गतेसम्म बुक क्लोज गर्ने घोषणा गरेको छ।
बुक क्लोजको आधारमा मंसिर ३ गतेसम्म कायम सेयरधनीले मात्र उक्त लाभांश पाउनेछन्।
कम्पनीले अघिल्लो वर्ष सेयरधनीहरूलाई प्रतिकित्ता ६५० रुपैयाँ नगद लाभांश दिएको थियो।
