मुक्तिनाथ विकास बैंकले महिला उद्यमीहरूलाई सम्मान गरेको छ।
चालु आर्थिक वर्ष २०७९/८० मा आफ्नो कार्यक्षेत्र भित्रका ५० वटा स्थानहरूमा बैंकको लघु बैंकिङ कार्यक्रममा आबद्ध सदस्यलाई केन्द्रित गरी आयोजना भएको गोष्ठी तथा वित्तीय साक्षरता कार्यक्रमका दौरान महिला उद्यामीहरूलाई सम्मान गरेको बैंकले बताएको छ।
उत्कृष्ट महिला उद्यमीहरूलाई सम्मान तथा उनीहरुलाई आफ्नो व्यवसाय विस्तार तथा व्यवस्थापन गर्न वित्तीय ज्ञान र वित्तीय प्रणालीबारे जानकारी दिने उद्देश्यले कार्यक्रम आयोजना गरिएको बैंकले जनाएको छ ।
उक्त कार्यक्रममा स्थानीय निकायका पदाधिकारी, विभिन्न पेशामा आबद्ध महिला उद्यमी सहित ३ हजार ५ सय जना उपस्थिति रहेको समेत बैंकले बताएको छ।
कार्यक्रममा लघु बैंकिङ अन्तर्गत विभिन्न कृषि, पशुपालन तथा स–साना उद्यम सञ्चालन गरिरहेका उत्कृष्ट २६४ जना महिला उद्यमीलाई सम्मान गरिएको थियो।
बैंकका अनुसार उक्त कार्यक्रममा महिला सशक्तिकरण, वित्तीय ज्ञान र देश विकासको प्रमुख आधार, कृषिमा व्यवसायिक सुधार भन्ने अभियानलाई प्राथमिकतामा राखि मुक्तिनाथ कृषि कम्पनीका अधिकारीको उपस्थितिमा स्थानीय किसानहरुको समस्या सुन्ने, समाधान गर्ने र कृषि पेशालाई सम्मानित पेशाको रूपमा विकास गर्ने उपाय सिकाउने कार्य पनि भएको छ।
