साताको पहिलो कारोबार दिन आइतबार नेप्से परिसूचक १०.५४ अंकले घटेको छ।
आज नेप्से ०.५६ प्रतिशतले घटेर १८८३.१६ बिन्दुमा पुगेर बन्द भएको छ।
नेप्से परिसूचक सँगै आज कारोबार रकममा पनि गिरावट आएको छ।
बिहीबार १ अर्ब ११ करोड ९४ लाख ६१ हजार ४११ बराबरको कारोबार भएकोमा त्यो रकम घटेर आज ७७ करोड ४९ लाख ११ हजार ७०६ रुपैयाँमा झरेको छ।
यस दिन २२५ वटा धितोपत्रको २० लाख २८ हजार ३४८ कित्ता सेयर किनबेच भएको छ।
आइतबार लक्ष्मी इक्विटी फण्डको इकाई मूल्य सर्वाधिक वृद्धि भएको छ। उक्त योजनाको इकाई मूल्य ७.९० प्रतिशतले वृद्धि भएर प्रति इकाई मूल्य ८ रुपैयाँमा ६ पैसामा बन्द भएको छ।
त्यस्तै, लक्ष्मी उन्नति कोषको इकाइ मूल्य ३.७७ प्रतिशतले बढेर प्रति इकाई मूल्य ७ रुपैयाँ ९९ पैसा कायम भएको छ।
यस दिन सेयर मूल्य सर्वाधिक घट्नेमा नबिल ब्यालेन्सड् फण्ड-२ रहेको छ। उक्त योजनाको इकाई मूल्य ६.९० प्रतिशतले घटेर प्रति इकाई मूल्य ८ रुपैयाँ ३६ पैसामा झरेको छ।
त्यस्तै, निर्धन उत्थान लघुवित्तको सेयर मूल्य ६.४० प्रतिशतले घटेर प्रति कित्ता मूल्य ८७८ रुपैयाँ कायम भएको छ।
यस दिन सर्वाधिक सेयर खरिद–बिक्री शिवम् सिमेन्टको भएको छ। कम्पनीको ६०९ रुपैयाँ ९० पैसामा १० करोड ३९ लाख रुपैयाँ बराबरको सेयर खरिद–बिक्री भएको हो।
सर्वाधिक सेयर खरिद–बिक्री हुने दोस्रो सूचीमा निर्धन उत्थान लघुवित्त रहेकोे छ। उक्त कम्पनीको ८७८ रुपैयाँमा २ करोड ४० लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये होटल्स तथा पर्यटन समूहको परिसूचक ०.६० प्रतिशतले बढेको छ भने बाँकी सबै समूहको परिसूचक परिसूचक घट्दा समग्र नेप्से घटेको हो।
यस दिन व्यापार समूहको परिसूचक सर्वाधिक १.४४ प्रतिशतले घटेको छ।
त्यस्तै, लघुवित्त समूहको परिसूचक १.२६ प्रतिशत र हाइड्रोपावर लघुवित्त समूहको परिसूचक १.०५ प्रतिशतले घटेको छ।
