सोमबार नेप्से परिसूचक २१.२६ अंकले बढेको छ।
आज नेप्से १.१३ प्रतिशतले बढेर १९०४.४३ बिन्दुमा पुगेर बन्द भएको छ।
नेप्से परिसूचक सँगै आज कारोबार रकममा पनि वृद्धि भएको छ।
आइतबार ७७ करोड ४९ लाख ११ हजार ७०६ रुपैयाँ बराबरको कारोबार भएकोमा त्यो रकम बढेर आज ९४ करोड ६० लाख ८९ हजार ५२१ रुपैयाँ पुगेको छ।
यस दिन २२६ वटा धितोपत्रको २४ लाख ५२ हजार ८४ कित्ता सेयर किनबेच भएको छ।
सोमबार तारागाउँ रिजेज्सीको सेयर मूल्य सर्वाधिक बढेको छ। कम्पनीको सेयर मूल्य ९.८४ प्रतिशतले बढेर प्रतिकित्ता मूल्य ३८३ रुपैयाँ कायम भएको छ।
त्यस्तै, सप्तकोशी डेभलपमेन्ट बैंकको सेयर मूल्य ८.३९ प्रतिशतले बढेर प्रतिकित्ता मूल्य २२७ रुपैयाँ ४० पैसा पुगेको छ।
यस दिन सेयर मूल्य सर्वाधिक घट्नेमा लक्षी इक्विटी फण्ड रहेको छ। उक्त योजनाको इकाई मूल्य ७.५३ प्रतिशतले घटेर प्रति इकाई मूल्य ७ रुपैयाँ ५३ पैसामा झरेको छ।
त्यस्तै, ङादी ग्रुप पावरको सेयर मूल्य ५.२० प्रतिशतले घटेर प्रति कित्ता मूल्य १९५ रुपैयाँ कायम भएको छ।
यस दिन सर्वाधिक सेयर खरिद–बिक्री शिवम् सिमेन्टको भएको छ। कम्पनीको ६१६ रुपैयाँ १० करोड ९६ लाख रुपैयाँ बराबरको सेयर खरिद–बिक्री भएको हो।
यो मूल्य अघिल्लो दिनको तुलनामा १ प्रतिशतले बढेको छ।
सर्वाधिक सेयर खरिद–बिक्री हुने दोस्रो सूचीमा हिमालयन डिष्टिलरी रहेकोे छ। उक्त कम्पनीको ८७८ रुपैयाँमा ८ करोड ९९ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको छ।
यस दिन उत्पादन तथा प्रशोधन समूहको परिसूचक सर्वाधिक ३.१३ प्रतिशतले बढेको छ।
त्यस्तै, वित्त समूहको परिसूचक १.७१ प्रतिशत, अन्य समूहको परिसूचक २.३३ प्रतिशत, विकास बैंक समूहको परिसूचक २.२० प्रतिशत, होटल्स तथा पर्यटन समूहको परिसूचक २.२७ प्रतिशत र जलविद्युत समूहको परिसूचक २.०७ प्रतिशतले बढेको छ।
