महालक्ष्मी विकास बैंकका ग्राहकले रेष्टुरेन्ट, आयुर्वेद, श्रृंगार, स्वास्थ्य लगायत क्षेत्रमा विभिन्न छुट सुविधा पाउने भएका छन्।
बैंकले काठमाडौंका विभिन्न स्थानमा अवस्थित संस्थासँग यससम्बन्धी सम्झौता गरेको बताएको छ।
सबल बैंक, सफल सहकार्य नामक नारालाई आत्मसाथ गर्दै बैंकले यस्तो सम्झौता गरेको बताएको छ।
सम्झौतासँगै बैंकका डेबिट कार्ड तथा मोबाइल बैंकिङ प्रयोग गर्ने ग्राहकले उक्त संस्थाका विभिन्न सेवामा विशेष छुट पाउने भएका छन्।
बैंकका ग्राहकले 'द हिमालयन ग्रिल बाई बाजेको'का सम्पूर्ण सेवामा १५ प्रतिशत छुट पाउने छ।
त्यस्तै, ग्राहकले कुन्दलिनी आयुर्वेदका सेवाहरूमा अधिकतम २० प्रतिशत छुट पाउने समेत बैंकले बताएको छ।
सुबाकी ब्युटी सैलुन र अपुलेन्स एस्थेटिक्समा १० प्रतिशत, क्रिस्टल डाइग्नोस्टिकको सेवामा अधिकतम २५ प्रतिशत छुट पाउने बैंकले जनाएको छ।
यस्तो सेवा बैंकका डेबिट कार्ड तथा मोबाइल बैंकिङ प्रयोग गर्ने ग्राहक लाभान्वित हुने विश्वास बैंकको छ।
डिजिटल युगसँग नेपाली जनतालाई साक्षात्कार गराउने उद्देश्यले बैंकले यस्तो सेवा प्रदान गरेको समेत बताइएको छ।
