बुधबार नेप्से परिसूचक १३.४० अंकले बढेको छ।
आज नेप्से ०.७१ प्रतिशतले बढेर १९११.२६ बिन्दुमा पुगेर बन्द भएको छ।
नेप्से परिसूचक बढेपनि आज कारोबार रकममा गिरावट आएको छ।
मंगलबार १ अर्ब २ करोड ३६ लाख ९ हजार ९६० रुपैयाँ बराबरको सेयर कारोबार भएकोमा त्यो रकम घटेर आज ८५ करोड ९४ लाख ६८ हजार १५८ रुपैयाँ पुगेको छ।
यस दिन २३२ वटा धितोपत्रको २४ लाख ९५ हजार ६१२ कित्ता सेयर किनबेच भएको छ।
बुधबार सिक्लेस हाइड्रोपावरको सेयर मूल्य सर्वाधिक वृद्धि भएको छ। उक्त कम्पनीको सेयर मूल्य १० प्रतिशतले वृद्धि भएर प्रति कित्ता मूल्य ३५३ रुपैयाँ १० पैसामा बन्द भएको छ।
त्यस्तै, गणपती लघुवित्तको सेयर मूल्य ७.७१ प्रतिशतले बढेर प्रति कित्ता मूल्य ८०७ रुपैयाँ ८० पैसा कायम भएको छ।
यस दिन सेयर मूल्य सर्वाधिक घट्नेमा जनउत्थान सामुदायिक लघुवित्त रहेको छ। उक्त कम्पनीको सेयर मूल्य ४.१३ प्रतिशतले घटेर प्रति कित्ता मूल्य एक हजार ६०० रुपैयाँमा झरेको छ।
त्यस्तै, सबैको लघुवित्तको सेयर मूल्य ३.६८ प्रतिशतले घटेर प्रति कित्ता मूल्य ९१५ रुपैयाँ कायम भएको छ।
यस दिन सर्वाधिक सेयर खरिद–बिक्री रिडी पावरको भएको छ। कम्पनीको ४८२ रुपैयाँ ९० पैसामा ६ करोड ३ लाख रुपैयाँ बराबरको सेयर खरिद–बिक्री भएको हो।
यो मूल्य अघिल्लो दिनको तुलनामा ५.४४ प्रतिशतले बढेको हो।
सर्वाधिक सेयर खरिद–बिक्री हुने दोस्रो सूचीमा हिमालयन डिष्टिलरी रहेकोे छ। उक्त कम्पनीको तीन हजार ६७३ रुपैयाँमा ४ करोड १ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये म्युचुअल फण्ड र व्यापार समूहको परिसूचक ०.८५ र १.२० प्रतिशतले घटेको छ भने बाँकी सबै समूहको परिसूचक बढेको हो।
यस दिन विकास बैंक समूहको परिसूचक सर्वाधिक १.२७ प्रतिशतले बढेको छ।
त्यस्तै, जलविद्युत समूहको परिसूचक १.१३ प्रतिशत र वित्त समूहको परिसूचक १.०१ प्रतिशतले बढेको छ।
