साताको अन्तिम कारोबार दिन बिहीबार नेप्से परिसूचक २५.५७ अंकले बढेको छ।
आज नेप्से १.३४ प्रतिशतले बढेर १९३६.८३ बिन्दुमा पुगेर बन्द भएको छ।
नेप्से परिसूचक बढेसँगै आज कारोबार रकम पनि वृद्धि भएको छ।
बुधबार ८५ करोड ९४ लाख ६८ हजार १५८ रुपैयाँ बराबरको सेयर कारोबार भएकोमा त्यो रकम बढेर आज १ अर्ब ७१ करोड ५४ लाख १९ हजार २८६ रुपैयाँ पुगेको छ।
यस दिन २२३ वटा धितोपत्रको ४३ लाख ८४ हजार ४ कित्ता सेयर किनबेच भएको छ।
बिहीबार सिक्लेस हाइड्रोपावरको सेयर मूल्य सर्वाधिक वृद्धि भएको छ। उक्त कम्पनीको सेयर मूल्य १० प्रतिशतले वृद्धि भएर प्रति कित्ता मूल्य ३८८ रुपैयाँ ४० पैसामा बन्द भएको छ।
त्यस्तै, सयपत्री हाइड्रोपावरको सेयर मूल्य ९.९९ प्रतिशतले बढेर प्रति कित्ता मूल्य ३४७ रुपैयाँ ६० पैसा कायम भएको छ।
यस दिन सेयर मूल्य सर्वाधिक घट्नेमा फरवार्ड माइक्रोफाइनान्स रहेको छ। उक्त कम्पनीको सेयर मूल्य २.९७ प्रतिशतले घटेर प्रति कित्ता मूल्य दुई हजार ६१० रुपैयाँमा झरेको छ।
त्यस्तै, इमर्जिङ नेपालको सेयर मूल्य १.८७ प्रतिशतले घटेर प्रति कित्ता मूल्य ५७८ रुपैयाँ कायम भएको छ।
यस दिन सर्वाधिक सेयर खरिद–बिक्री रिडी पावरको भएको छ। कम्पनीको ५१२ रुपैयाँमा १४ करोड ३९ लाख रुपैयाँ बराबरको सेयर खरिद–बिक्री भएको हो।
यो मूल्य अघिल्लो दिनको तुलनामा ६.०३ प्रतिशतले बढेको हो।
सर्वाधिक सेयर खरिद–बिक्री हुने दोस्रो सूचीमा शिवम् सिमेन्ट रहेकोे छ। उक्त कम्पनीको ६१७ रुपैयाँमा १३ करोड ४० लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो।
यस दिन जलविद्युत समूहको परिसूचक सर्वाधिक ३.१४ प्रतिशतले बढेको छ।
त्यस्तै, वित्त समूहको परिसूचक २.३९ प्रतिशत, व्यापार समूहको परिसूचक २.२५ र उत्पादन तथा प्रशोधन समूहको परिसूचक २.०६ प्रतिशतले बढेको छ।
