मंगलबार नेप्से परिसूचक २.५७ अंकले घटेको छ।
आज नेप्से ०.१३ प्रतिशतले घटेर १८९९.७० बिन्दुमा पुगेर बन्द भएको छ।
नेप्से परिसूचकसँगै आज कारोबार रकम पनि घटेको छ।
अघिल्लो कारोबार दिन अर्थात् सोमबार १ अर्ब ३६ करोड ६० लाख १० हजार ४६४ रुपैयाँ बराबरको सेयर कारोबार भएकोमा त्यो रकम घटेर आज ७७ करोड ७० लाख ८९ हजार १६५ रुपैयाँ पुगेको छ।
यस दिन २४८ वटा धितोपत्रको २० लाख ५८ हजार ५१० कित्ता सेयर किनबेच भएको छ।
मंगलबार सिवाइसी लघुवित्तको सेयर मूल्यमा सकारात्मक सर्किट लागेको छ।
कम्पनीको सेयर मूल्य १० प्रतिशतले वृद्धि भएसँगै सर्किट लागेको हो। कम्पनीको सेयर मूल्य प्रति कित्ता मूल्य दुई हजार २६० रुपैयाँ २० पैसा कायम भएको छ।
त्यस्तै, साञ्जेन जलविद्युतको सेयर मूल्य ७.७३ प्रतिशतले बढेर प्रतिकित्ता मूल्य २३७ रुपैयाँमा पुगेको छ।
यस दिन सेयर मूल्य सर्वाधिक घट्नेमा तेह्रथुम पावर रहेको छ। उक्त कम्पनीको सेयर मूल्य ३.२९ प्रतिशतले घटेर प्रति कित्ता मूल्य ३२० रुपैयाँमा झरेको छ।
त्यस्तै, सिंगटी हाइड्रोको सेयर मूल्य ३.२१ प्रतिशतले घटेर प्रति कित्ता मूल्य २२९ रुपैयाँमा बन्द भएको छ।
मंगलबार सर्वाधिक सेयर खरिद–बिक्री नबिल बैंकको भएको छ।
यस दिन उक्त कम्पनीको ८०७ रुपैयाँ १० पैसामा ७ करोड १७ लाख रुपैयाँ बराबरको सेयर खरिद–बिक्री भएको हो।
यो मूल्य अघिल्लो दिनको तुलनामा ०.९७ प्रतिशत घटेको हो।
सर्वाधिक सेयर खरिद–बिक्री हुने दोस्रो सूचीमा नेपाल दूरसञ्चार कम्पनी रहेकोे छ। उक्त कम्पनीको ९०९ रुपैयाँ ९० पैसामा ६ करोड ३ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये जलविद्युत, लघुवित्त, म्युचुअल फण्ड र निर्जीवन बीमा समूहको परिसूचक बढेको छ भने बाँकी सबै समूहको परिसूचक घटेको छ।
