हाइड्रोइलेक्ट्रिसिटी इन्भेष्टमेन्ट एन्ड डेभलपमेन्ट कम्पनी (एचआइडिसिएल) ले गत आर्थिक वर्षको नाफाबाट लाभांश वितरण गर्ने घोषणा गरेको छ।
कम्पनीको आज (बिहीबार) बिहान बसेको सञ्चालक समितिको बैठकले सेयरधनीहरूलाई ५ प्रतिशत बोनस सेयर र कर प्रयोजनका लागि ०.२६३ प्रतिशत नगद लाभांश वितरण गर्ने निर्णय गरेको हो।
प्रस्तावित उक्त लाभांश नेपाल सरकारको स्वीकृति पाएपछि कम्पनीको आगामी ११औं वार्षिक साधारण सभाबाट पारित भएपछि वितरण हुनेछ।
त्यस्तै, कम्पनीले साधारण सभा पुस २६ गते आयोजना गर्ने समेत जानकारी दिएको छ।
साधारण सभा प्रयोजनका लागि कम्पनीले पुस १४ गते बुक क्लोज गर्ने भएको छ। पुस १३ गतेसम्म कायम सेयरधनीले मात्र प्रस्तावित लाभांश र सभामा भाग लिन पाउँनेछन्।
गत वर्ष कम्पनीले ८ प्रतिशत बोनस सेयर र कर प्रयोजनका लागि ०.४२ प्रतिशत नगद गरी कुल ८.४२ प्रतिशत लाभांश वितरण गरेको छ।
