डिजिटल भुक्तानीलाई प्रोत्साहन गर्ने उद्देश्यका साथ सनराइज बैंकले विश्वज्योति सिनेप्लेक्ससँग सहकार्य गरेको छ। बैंकका ग्राहकलाई अब हरेक दुइटा टिकटको खरिदमा बैंकको तर्फबाट थप एउटा टिकट सित्तैमा दिने योजना ल्याएको छ।
आगामी पुस १ देखि तीन महिनासम्म सञ्चालन हुने यस योजना अन्तर्गत सनराइज बैंकका ग्राहकले विश्वज्योति सिनेप्लेक्समा योजना अवधिभर कुनै पनि फिल्मको दुइटा टिकट खरिदमा एउटा निःशुल्क प्राप्त गर्न सक्नेछन्।
यस योजनामा समावेश हुन टिकट खरिद बापतको रकम सनराइज बैंकका डेबिट/क्रेडिट कार्ड वा मोबाइल बैंकिङ प्रयोग गरी भुक्तानी गर्नुपर्नेछ।
यस अफरले ग्राहकलाई नगद भुक्तानीबाट डिजिटल भुक्तानीमा जान आकर्षित गर्ने र उक्त भुक्तानीमा पाइने लाभले अझै बढी कारोबार गर्न मदत गर्ने बैंकले जनाएको छ।
डेबिट/क्रेडिट कार्ड, मोबाइल बैकिङ, इन्टरनेट बैंकिङ लगायत अत्याधुनिक बैंकिङ उपकरणको प्रयोगलाई बढावा दिँदै सर्वसाधारण जनतालाई डिजिटल माध्यमबाट भुक्तानी गर्न प्रोत्साहान गर्ने हेतुले बैंकले विभिन्न व्यापारिक प्रतिष्ठान, होटल, अस्पताल लगायतको क्षेत्रसँग समन्वय गरी विभिन्न किसिमका छुट योजना, क्यास ब्याक योजना लगायतका अन्य आकर्षक योजना ल्याउँदै आएको छ।
यस किसिमका योजनाले आफ्ना ग्राहकलाई लाभान्वित बनाउने आशा बैंकले लिएको छ।
