नबिल बैंकले नबिल बचत खातामा घातक रोग बीमा कार्यक्रमलाई निरन्तरता दिएको छ।
पछिल्लो चार वर्षदेखि यास्तो बीमा सुविधा दिँदै आएको बैंकले पाँचौं वर्षमा पनि निरन्तरता दिने निर्णय गरेको हो।
उक्त बीमा अन्तर्गत ३३८ जना ग्राहकहरूको ६ करोड २९ लाख रुपैयाँ दाबी भुक्तानी भएको बैंकले बताएको छ।
हरेक बचत खातामा घातक रोगको बीमा तथा आवधिक जीवन बीमा सुविधा योजना अन्तर्गत बीमा गरेकामध्ये ३३८ जनाको दाबी भुक्तानी भएको बैंकको भनाइ छ ।
चार वर्ष अगाडि सुरू गरेको घातक रोगमा ३ लाख र आवधिक जीवन बीमाको लागि ७५ हजार गरी ३ लाख ७५ हजार रुपैयाँको बीमा हरेक खातावालाका लागि गरिँदै आएको बैंकले जनाएको छ।
बैंकका अनुसार आफ्ना खातावालाको हित तथा घातक रोग लाग्दा आर्थिक भरथेग गर्ने उद्देश्यले यस्तो सुविधा दिँदै आएको हो।
यस योजनाले आफ्ना ग्राहकहरूलाई ठूलो राहत मिलेको भन्दै आगामी दिनहरूमा यसलाई निरन्तरता दिने बैंकले बताएको छ।
मेट लाइफ इन्स्योरेन्ससँगको सहकार्यमा सुरू गरेको यस योजना अन्तर्गत बैंकले पछिल्लो चार वर्षमा १६ कराेड ७ लाख रुपैयाँ रकम बराबरको प्रिमियम भुक्तानी गरेको बैंकले जनाएको छ।
मुद्दतीबाहेक सबै प्रकारको बचत खातामा घातक रोग तथा अवधिक जीवन बीमा सुविधा रहको जनाइएको छ।
कसरी पाइन्छ यो सुविधा?
उक्त सुविधा पाउन बचत खातामा न्यूनतम ३५ हजार रुपैयाँ अनिवार्य हुनुपर्ने र खातावालको उमेर समूह १६ देखि ६० वर्ष हुनु पर्ने बैंकले जनाएको छ।
बैंकका अनुसार यस्तो रकम घातक रोग लागेको चिकित्सकले प्रमाणित गरेको समयमा हुनुपर्ने छ।
बैंकले विभिन्न १३ घातक रोगहरू जस्तै किड्नी फेलर, क्यान्सर, हर्ट अट्याक, लिभर फेलर, बोनम्यारो ट्रान्सप्लान्टेसन, हर्ट भल्भ सर्जरी, इन्ड स्टेज लङ डिजिज, कोमा, पल्मोनरी हाइपरटेन्सन, स्ट्रोक, परमानेन्ट हेपाटाइटिस, अप्लास्टिक एनिमिया तथा सिरयस कोनोनरी आर्टरी डिजिजका लागि यो बीमा सुविधा दिने जनाएको छ।
