एनएमबी बैंक र आन्तरिक विमानस्थलको भित्री लबीमा रहेको 'स्वोनिगा' लाउन्जबीच सम्झौता भएको छ।
उक्त सम्झौताअनुसार ग्राहकले लाउन्ज सेवाका साथै भिसा डेबिट वा क्रेडिट कार्डमार्फत भुक्तानी गर्दा अधिकतम २० प्रतिशतसम्म छुट पाउने व्यवस्था गरिएको बैंकले जनाएको छ।
सम्झौतापत्रमा एनएमबी बैंकका प्रमुख कार्यकारी अधिकृत सुनिल केसी र स्वोनिगा लाउन्जका प्रबन्ध निर्देशक सुवास श्रेष्ठले हस्ताक्षर गरेका छन्।
अत्याधुनिक बैंकिङ सुविधा, विद्युतीय भुक्तानी अभिवृद्धिका साथै अतिरिक्त सेवामा पनि सहज होस् भन्ने उद्देश्यले एनएमबी बैंकले छुटका लागि सहकार्य गरेको जनाएको छ।
छुट सम्बन्धी थप जानकारी एनएमबी बैंकको वेबसाइटको 'NMB Visa Card Discount' सेक्सनमा गएर प्राप्त गर्न सकिने छ।
एनएमबीले हाल देशभरि २०१ शाखा, १३८ एटिएम र ९ वटा एक्सटेन्सन काउन्टरमार्फत सेवा प्रदान गर्दै आइरहेको छ।
