साताको पहिलो कारोबार दिन आइतबार नेप्से परिसूचक १७.२६ अंकले बढेको छ।
आज नेप्से परिसूचक ०.८५ अंकले बढेर २०४६.२६ बिन्दुमा पुगेर बन्द भएको छ।
नेप्से परिसूचकसँगै आज कारोबार रकम पनि बढेको छ।
गत कारोबार दिन अर्थात् बिहीबार २ अर्ब ८६ करोड ३ लाख ४५ हजार ७८१ रुपैयाँ बराबरको सेयर कारोबार भएकोमा त्यो रकम बढेर आज ४ अर्ब ४ करोड ८८ लाख ७९ हजार ५१० रुपैयाँ पुगेको छ।
यस दिन २६१ वटा धितोपत्रको १ करोड ८ लाख ८० हजार ५९०४ कित्ता सेयर किनबेच भएको छ।
आइतबार श्रृजनशिल लघुवित्तको सेयर मूल्य १० प्रतिशतले बढेर प्रतिकित्ता मूल्य १ हजार ९४१ रुपैयाँ ६० पैसा कायम भएको छ।
यस्तै, खप्तड लघुवित्त र धैलागिरी लघुवित्तको सेयर मूल्य ९.९९ प्रतिशतले बढेर प्रतिकित्ता मूल्य क्रमशः ९५९ रुपैयाँ ८० पैसा र १ हजार १५० रुपैयाँ २० पैसा कायम भएको छ।
यसैगरी, अजोड इन्स्योरेन्स र प्रभु लाइफ इन्स्योरेन्सको सेयर मूल्य ९.९८ प्रतिशतले बढेको छ।
यस दिन सेयर मूल्य सर्वाधिक घट्नेमा सिद्धार्थ इक्विटी फण्ड रहेको छ। उक्त योजनाको इकाई मूल्य ५.५७ प्रतिशतले घटेर प्रति इकाइ मूल्य ८ रुपैयाँ ३० पैसामा झरेको छ।
त्यस्तै, ८.५% नेपाल बैंक डिवेञ्चर २०८७ को मूल्य ३.९२ प्रतिशतले घटेर प्रति डिवेञ्चर मूल्य ७८० रुपैयाँ कायम भएको छ।
आइतबार सर्वाधिक सेयर खरिद–बिक्री नबिल बैंकको भएको छ।
यस दिन उक्त कम्पनीको ८५४ रुपैयाँ ५० पैसामा २२ करोड ५७ लाख रुपैयाँ बराबरको सेयर खरिद–बिक्री भएको हो।
कम्पनीको मूल्य अघिल्लो दिनको तुलनामा १.३६ प्रतिशतले बढेको हो।
सर्वाधिक सेयर खरिद–बिक्री हुने दोस्रो सूचीमा नेपाल दूर सञ्चार कम्पनी रहेकोे छ। उक्त कम्पनीको ९२२ रुपैयाँमा १९ करोड ८८ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये विकास बैंक र वित्त समूहको परिसूचक ०.०६ र ०.१९ प्रतिशतले घटेको छ भने बाँकी सबै समूहको परिसूचक बढेको छ।
यस दिन जीवन बीमा समूहको परिसूचक सर्वाधिक २.९९ प्रतिशतले बढेको छ।
त्यस्तै, निर्जीवन बीमा समूहको परिसूचक १.९५ प्रतिशत, अन्य समूहको परिसूचक १.६४ प्रतिशत र लगानी समूहको परिसूचक १ प्रतिशतले बढेको छ।
