सोमबार नेप्से परिसूचक १७.५६ अंकले बढेको छ।
आज नेप्से परिसूचक ०.८६ प्रतिशतले बढेर २०६३.८३ बिन्दुमा पुगेर बन्द भएको छ।
नेप्से परिसूचक बढेपनि आइतबारको तुलनामा आज कारोबार रकममा भने गिरावट आएको छ।
गत कारोबार दिन अर्थात् आइतबार ४ अर्ब ४ करोड ८८ लाख ७९ हजार ५१० रुपैयाँ बराबरको सेयर कारोबार भएकोमा त्यो रकम घटेर आज २ अर्ब ९६ करोड ९ लाख २७ हजार ४४० रुपैयाँमा सीमित भएको छ।
यस दिन २५३ वटा धितोपत्रको ८२ लाख ७१ हजार ३५५ कित्ता सेयर किनबेच भएको छ।
सोमबार चार कम्पनीको सेयर मूल्य सर्किट लेभलमा बढेको छ।
धैलागिरी लघुवित्त, श्रृजनशिल लघुवित्त, खप्तड लघुवित्त र अजोड इन्स्योरेन्सको सेयर मूल्यमा सर्किट लागेको हो।
धैलागिरी लघुवित्त र श्रृजनशिल लघुवित्तको सेयर मूल्य १० प्रतिशतले बढेर प्रतिकित्ता मूल्य क्रमशः १ हजार २६५ रुपैयाँ २० पैसा र २ हजार १३५ रुपैयाँ ७० पैसा कायम भएको छ।
यस्तै, खप्तड लघुवित्तको सेयर मूल्य ९.९९ प्रतिशतले बढेर प्रतिकित्ता मूल्य एक हजार ५५ रुपैयाँ ७० पैसा र अजोड इन्स्योरेन्सको सेयर मूल्य ९.९८ प्रतिशतले बढेर ५१२ रुपैयाँ ५० पैसा कायम भएको छ।
यस दिन सेयर मूल्य सर्वाधिक घट्नेमा एनएमबि ५० रहेको छ।
उक्त योजनाको इकाई मूल्य ४.८० प्रतिशतले घटेर प्रति इकाइ मूल्य ८ रुपैयाँ ९३ पैसामा झरेको छ।
त्यस्तै, नेपाल दूरसञ्चार कम्पनीको सेयर मूल्य ४.०१ प्रतिशतले घटेर प्रतिकित्ता मूल्य ८८५ रुपैयाँ कायम भएको छ।
सोमबार सर्वाधिक सेयर खरिद–बिक्री नबिल बैंकको भएको छ।
यस दिन उक्त कम्पनीको ७३९ रुपैयाँमा १६ करोड ८४ लाख रुपैयाँ बराबरको सेयर खरिद–बिक्री भएको हो।
कम्पनीको मूल्य अघिल्लो दिनको तुलनामा २.४८ प्रतिशतले बढेको हो।
सर्वाधिक सेयर खरिद–बिक्री हुने दोस्रो सूचीमा हिमालयन डिष्टिलरी रहेकोे छ। उक्त कम्पनीको चार हजार १९ रुपैयाँमा १६ करोड ६४ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये उत्पादन तथा प्रशोधन, म्युचुअल फण्ड र अन्य समूहको परिसूचक घटेको छ भने बाँकी सबै समूहको परिसूचक बढेको छ।
यस दिन व्यापार समूहको परिसूचक सर्वाधिक ३.५२ प्रतिशतले बढेको छ।
त्यस्तै, निर्जीवन बीमा समूहको परिसूचक ३.०६ प्रतिशत, होटल्स तथा पर्यटन समूहको परिसूचक २.८४ प्रतिशतले बढेको छ।
यसैगरी, अन्य समूहको परिसूचक सर्वाधिक १.५२ प्रतिशतले घटेको छ।
