सनराइज बैंकका ग्राहकहरूले फ्रन्टलाइन हस्पिटलमा विशेष छुट पाउने भएका छन्।
बैंकले स्वास्थ्य क्षेत्रमा समेत विभिन्न छुट दिने उद्देश्यले काठमाडौंको पुरानो बानेश्वर स्थित फ्रन्टलाइन हस्पिटलसँग सम्झौता गरेको छ।
सनराइज बैंक तथा फ्रन्टलाइन हस्पिटलबीच बैंकका ग्राहकहरूलाई विशेष छुट प्रदान गर्ने सम्झौतापत्रमा हस्ताक्षर भएको हो।
सम्झौता अनुसार बैंकका ग्राहकहरूले क्रेडिट, डेबिट कार्ड वा मोबाइल बौंकिङमार्फत फ्रन्टलाइन हस्पिटलका विभिन्न सेवा तथा उपचार सुविधामा छुट लिन सक्नेछन्।
बैंकका ग्राहकहरूले फ्रन्टलाइन हस्पिटलको अोपिडी सेवा र बेड शुल्कमा १३ प्रतिशत, ओपिडी फार्मेसीमा ७ प्रतिशत र शल्यक्रिया सेवा शुल्कमा ५ प्रतिशत छुट पाउन सक्ने बैंकले बताएको छ।
सम्झौतामा बैंकका कर्पोरेट मार्केटिङ प्रमुख विवेक निरौला र अस्पतालका चिफ अपरेटिङ अफिसर सुरेश कुमार मनोहरनले हस्ताक्षर गरेको बैंकले जनाएको छ।
