नेपाल राष्ट्र बैंकका गभर्नर महाप्रसाद अधिकारीले वित्तीय मधस्यताको लागत बढिरहेको र वित्तीय संस्था धेरै हुँदा पहुँचभन्दा अस्वस्थ प्रतिस्पर्धा बढेकोले पनि मर्जरलाई अगाडि बढाउनु परेको बताएका छन्।
ग्लोबल आइएमई बैंक र बैंक अफ काठमाण्डूबीचको मर्जर पछिको एकीकृत कारोबारको सुरुवात गर्ने क्रममा आयोजित कार्यकममा उनले यस्तो बताएका हुन्।
चालु आर्थिक वर्षमा मात्र १४ बैंक मर्जर भएको पनि अधिकारीले बताए।
त्यस्तै, कार्यक्रममा नेपाल उद्योग वाणिज्य महासंघका अध्यक्ष शेखर गोल्छाले अर्थतन्त्रमा समस्या आएको भएपनि सुधारको संकेत देखिएको बताउँदै सरकारी खर्च बढाउन सरकारलाई सुझाव दिए।
अर्थतन्त्रको वृद्धिको लागि मौद्रिक नीतिले केही जोखिम लिनै पर्ने अवस्था आएको र निजी क्षेत्रलाई पनि आत्मविस्वास दिलाएर अगाडि बढानुपर्ने उनले बताए।
अहिले ब्याजदर उच्च रहेकोले ठूलो बनेको यो ग्लोबल आइएमई बैंकले यसलाई कम गर्न भूमिका खेल्नुपर्ने देखिएको नेपाल उद्योग परिसंघका अध्यक्ष विशाल अग्रवालले बताए।
