प्राइम कमर्सियल बैंकको १५ औं वार्षिक साधारण सभा सम्पन्न भएको छ। बैंकका अध्यक्ष राजेन्द्र दास श्रेष्ठको सभापतित्वमा कार्की बैंक्वेट, बबरमहलमा पुस २८ गते बिहीबार साधारण सम्पन्न भएको हो।
सभाले आर्थिक वर्ष २०७८/७९ को सञ्चालक समितिको प्रतिवेदन, लेखापरीक्षकको प्रतिवेदन पारित गरेको छ।
सञ्चालक समितिले सिफारिस गरेबमोजिम बैंकको चुक्ता पुँजीको ४.९५ प्रतिशतका दरले नगद लाभांश र चुक्ता पुँजीको ४ प्रतिशतका दरले बोनस सेयर दिने निर्णय भएको छ।
चुक्ता पुँजीको ४ प्रतिशतका दरले बोनस सेयर दिएपछि बैंकको चुक्ता पुँजी १९ अर्ब ४० करोडभन्दा बढी हुनेछ।
बैंकको नियमावलीअनुसार उक्त सभाबाट संस्थापक सेयरधनीहरू तर्फबाट सञ्चालक पद ३ मा राजेन्द्र दास श्रेष्ठ, उदय मोहन श्रेष्ठ र नरेन्द्र बज्राचार्य र सर्वसाधारण सेयरधनीका तर्फबाट सञ्चालक पद २ मा प्रचण्डमान श्रेष्ठ र मनोज पौडेल निर्वाचित भएका छन्।
