राष्ट्र बैंकले सोमबार १५ अर्ब १३ करोड बराबरको ट्रेजरी विल्स (ऋणपत्र) जारी गर्दैछ।
राष्ट्र बैंकले विभिन्न तीन अवधिको ट्रेजरी विल्स जारी गर्न लागेको हो।
२८ दिने अवधिको पाँच अर्ब, ९१ दिने अवधिको तीन अर्ब १३ करोड बराबरको ऋणपत्र नवीकरण गर्न लागेको हो।
त्यस्तै, ३६४ दिने अवधिको सात अर्ब रूपैयाँ बराबरको नयाँ ऋणपत्र जारी गर्न लागेको हो।
सोमबार यसको लागि बोलकबोल खुला हुने र मंगलबार जारी गरिने छ।
बैंक तथा वित्तीय संस्था लगायतले यसमा आवेदन दिन सक्नेछन्। राष्ट्र बैंकले सरकारको लागि आन्तरिक ऋण उठाउन ट्रेजरी विल्स जारी गरेको हुन्छ।
पछिल्लो समय गत माघ १० गते यसरी बोलकबोलमार्फत बिक्री गरेको ट्रेजरीमा बैंकहरूले औसत ब्याजदर ७.२५ देखि ९.८१ प्रतिशत ब्याज मागेका थिए।
