सानिमा बैंकले अन्तर्राष्ट्रिय नारी दिवसको अवसरमा 'बचत र क्यासब्याक सँगसँगै' योजना सार्वजनिक गरेको छ।
उक्त योजना आगामी चैत्र १ गतेसम्म लागू हुनेछ। योजना अवधिभर नारी बचत खाता खोल्ने ग्राहकहरूलाई बैंकले निःशुल्क डेबिट कार्ड र मोबाइल बैंकिङ जारी गरिदिनेछ।
यसका साथै, उक्त ग्राहकहरूलाई कार्ड वा क्युआर कोडबाट गरिने पहिलो भुक्तानीमा १० प्रतिशत वा पाँच सय रुपैयाँसम्मको क्यासब्याक प्रदान गरिनेछ। क्यासब्याक चैत्र १७ गतेसम्म गरिने कारोबारमा लागू हुनेछ।
सानिमा बैंकले नारीहरूको सम्मानमा यो योजना ल्याएको हो। सानिमा नारी बचत खाता अनलाइन खोल्नका लागि बैंकको वेबसाइट अथवा यो लिंकमा क्लिक गरी खोल्न सकिनेछ।
बैंकले सातै प्रदेशमा रहेको आफ्नो १३० कार्यालयहरू र १२३ वटा एटिएममार्फत ग्राहकहरूलाई सेवा पुर्याइरहेको छ।
