मदन भण्डारी मेमोरियल कलेजले निशुल्क दन्त तथा आँखा उपचार शिविर संचालन गर्ने भएको छ। कलेजको १७ औं वार्षिकोत्सवका अवसरमा दाँत तथा आँखा शिविर संचालन गर्न लागिएको हो।
असार ९ गते शनिवार तिलगंगा आँखा प्रतिष्ठान र समाज डेण्टलले निशुल्क सेवा दिन लागेको कलेज प्रशाशनले जनाएको छ।
मदन भण्डारी मेमोरियल कलेजले वार्षिक रुपमा कलेज प्राङ्गढ तथा देशका विकट क्षेत्रमा यस्ता निशुल्क स्वास्थ्य शिविर संचालन गर्दै आइरहेको छ। यो शिविरबाट आर्थिक अभावले अस्पताल जान नसकेकाहरुको लागि ठुलो राहत हुने र करिव १ हजार जानाले स्वास्थ्य जाँच गराउने कलेज प्रशाशनको विश्वास छ।
