निलो प्रकाश रोक्ने चश्मा निन्द्रा र कार्यक्षमताका लागि फाइदाजनक तथा सहयोगी भएको एक अध्ययनले देखाएको छ। कोरोना भाइरसको महामारीका कारण विश्वभरीका मानिस घरमै बसेको बेला विद्युतीय सामग्रीहरूको स्क्रिनमा धेरै हेर्न थालेको बेला यस्तो अध्ययनको निश्कर्ष सार्वजनिक भएको हो।
काम गर्ने वा समय कटाउने प्रयोजनका लागि मोवाइल, कम्युटर, टिभीलगायतका विद्युतीय सामग्रीहरूको प्रयोग बढेको पाइएको छ।
विविध कारणले विद्युतीय सामग्रीको स्क्रिनमा धेरै हेर्ने व्यक्तिहरूले सुत्ने बेलामा निलो प्रकाश रोक्ने चश्मा लगाएमा निन्द्रा सजिलै लगाउन सहयोग गर्ने अध्ययनकर्ताहरूको भनाइ छ।
त्यसैगरी त्यस्तो चश्माले भोलि पल्टको कामलाई प्रभावकारी बनाउन पनि सहयोग गर्ने अध्ययन प्रतिवेदनमा उल्लेख गरिएको छ।
'हामीले अध्ययनबाट यो पत्ता लगाएका छौँ की, निलो प्रकाश दिने चश्मा लगाउँदा निन्द्रा राम्रो हुने, काममा व्यस्त हुन सकिने, कार्यसम्पादन प्रभावकारी हुने, मानवीय व्यवहार राम्रो हुने देखिएको छ,' इन्डीयाना विश्वविद्यालयका सह प्राध्यापक तथा अध्ययनमा संलग्न क्रिश्चियानो एल गौरानाले भने।
