समाज डेण्टल हस्पिटलको चौथो शाखा भक्तपुरको राधेराधेमा खुलेको छ।
समाज डेण्टल हस्पिटलले आफ्नो स्थापनाको २१ औं वार्षिक उत्सवको अवसरमा भक्तपुरमा पनि सेवा विस्तार गरेको हो।
समाज डेण्टल हस्पिटलका प्रमुख शंकु घिमिरिले सांस्कृतिक सहर भक्तपुर क्षेत्रमा पनि आफ्नो सेवा विस्तार गर्न पाउँदा खुसी लागेको बताए।
भक्तपुरको राधेराधेमा सेवा सुरू भएको पहिलो महिना साउनभर सबै दन्त सेवामा २० प्रतिशत छुट दिने जानकारी पनि घिमिरेले दिए।
समाज डेण्टल हस्पिटलले २० वर्षदेखि दात तथा मुखसम्बन्धी रोगको उपचार गर्दै आएको छ।
काठमाडौंको नयाँ बानेश्वरबाट सुरू भएको समाज डेण्टलका अहिले भक्तपुरको राधेराधेमा समेत गरी चार वटा शाखा छन्।
समाजले बानेश्वर, जावलाखेल, गंगबु र भक्तपुरको राधेराधेमा आफ्नो सेवा दिइरहेको छ।
