सन् २०१७ को लक्ष्य प्राप्तीमा सफल रहेका आयोजना, ठेकेदार कम्पनीलाई एसियाली विकास बैंकले सम्मान गरेको छ। बैंकले आज आयोजित कार्यक्रमको अवसरमा सातवटा आयोजना टिम र दुई ठेकेदार कम्पनीलाई सम्मान गरेको हो।
पाँच भागमा बाँडिएको उक्त सम्मानमा उत्कृष्ट आयोजना टिम,उत्कृष्ट खरिद प्रक्रिया अपनाउने आयोजना टिम, वातावरणीय र सामाजिक सुरक्षा निरीक्षण, लैंगिक समानता र समाजिक समावेसिता परिणाम र उत्कृष्ट ठेकेदार कम्पनीलाई सम्मान गरिएको हो।
सामुदायिक सिंचाइ, सासेक सडक कनेक्टीभिटी र वागमति बेसिन सुधार आयोजना उत्कृष्ट आयोजना व्यवस्थापन समूहको रुपमा सम्मानित भएका छन्।
भूकम्प आपतकालिन सहयोग, पावर ट्रान्समिसन र वितरण उपयोगिता प्रबद्र्धन, सासेक पावर सिस्टम विस्तार आयोजना उत्कृष्ट खरिद प्रक्रिया अपनाउने टिमको रुपमा सम्मानित भएका हुन्।
सासेक रोड कनेक्टीभीटी आयोजना समाजिक र वातावरणीय सुरक्षण निरीक्षणमा उत्कृष्ट रहेको भन्दै बंैकले सम्मान गरेको छ।
आयोजनाबाट लैंगिक समानता र समाजिक समावेसिता हाँसिल गर्न उत्कृष्ट काम गरको भन्दै बैंकले उच्च पहाडी कृषि व्यापार र पशुपंक्षी आयोजनालाई सम्मान गरेको छ। र उत्कृष्ट काम गरेबापत कालिका कन्स्ट्रक्सन र चाइना ग्वांजु शर्मा एन्ड को प्राली सम्मानित भएका छन्।
