आइएमई पेले यती एयरलाइन्ससँगको समन्वयमा नयाँ अफर ल्याएको छ।
आइएमई पे एपका प्रयोगकर्ताले फाल्गुन १२ गतेदेखि कार्यान्वयनमा आउने गरी दुई महिनासम्म यती एयरलाइन्सको उडान टिकट एपद्वारा खरिद गर्दा लक्की ड्रमार्फत नेपालका विभिन्न गन्तव्यहरूका लागि निःशुल्क उडान टिकट पाउने भएको हो।
हरेक वर्ष हवाई उडानको माध्यमबाट यात्रा गर्ने यात्रुहरूको सङ्ख्या बढ्दो छ। यात्रुहरूलाई सुलभ एवम् सहज हवाई यात्राका लागि प्रोत्साहन मिलोस् भन्ने उद्देश्यका साथ आइएमई पे र यती एयरलाइन्सबीच यो समझदारी भएको हो।
निःशुल्क टिकट पाउने गन्तव्यमा रारा, लुक्ला, मुक्तिनाथ, शे फोक्सुन्डो जस्ता धार्मिक वा पर्यटकीय दृष्टिले अति महत्त्वपूर्ण स्थानहरू रहेका छन्। यसले नेपालको बाह्य तथा आन्तरिक पर्यटनको प्रवर्धनमा योगदान पुर्याउने विश्वास लिइएको छ।
आइएमई पे मोबाइल वालेट एप प्रयोग गरी यती एयरलाइन्सको हवाई टिकट काट्ने यात्रुहरूले मात्र सो अफरमा सहभागी हुन पाउने छन्। यो अफर सिमित अवधिको लागि मात्र लागु हुनेछ।
अफर अवधिभरी ४ जना भाग्यशाली बिजेताहरू छानिनेछन्, जसमध्ये हरेक बिजेताले २ जनाको लागि प्रस्थान र आगमनको टिकट जित्नेछन्। भाग्यशाली बिजेताहरूले उल्लेखित गन्तव्यमध्ये एउटा रोज्न पाउनेछन्।
