बेलायतस्थित कोभेन्ट्री विश्व विद्यायलको आइटी पाठ्यक्रम अध्यापन गराइरहेको काठमाडौंको सफ्टवेरिका कलेज अफ आइटी एन्ड इकमर्सका दश जना विद्यार्थी अवलोकन भ्रमणका लागि बेलायत पुगेका छन्।
विद्यार्थीहरूले कोभेन्ट्री विश्व विद्यालयको भ्रमण गर्ने, विभिन्न विश्वविद्यालय लेक्चर कक्षामा भाग लिने तथा कार्यशालाहरूमा सहभागी हुने कलेजका अध्यक्ष विज्ञान श्रेष्ठले जानकारी दिए।
विद्यार्थीहरूले यात्राका बेला लन्डन आई टावर ब्रिज, लन्डन संग्राहलय लगायत बेलायतका प्रमुख पर्यटकीय स्थलहरू अवलोकन गर्ने तालिका रहेको श्रेष्ठले बताए। दश दिनका लागि लगिएको उक्त भ्रमणमा आवतजावतको टिकट, बसोबास लगायतका सम्पुर्ण खर्च कलेज नै गरेको बिजनेस डाइरेक्टर अमृत थापाले जानकारी दिए।
विभिन्न कार्यक्रमहरूमा कलेजको प्रतिनिधित्व गर्ने, जिज्ञासु र उत्कृष्ट प्रस्तुतीकरण क्षमता भएका र पारस्परिक कौशल भएका एवम् प्रत्यक मोड्युलमा न्यूनतम ९० प्रतिशत उपस्थिति र पढाईमा लगनशील विद्यार्थी छनौट गरिएको कलेज प्रमुख प्रमोद पौडेलले जानकारी दिए।
'आगामी दिनमा पनि हरेक वर्ष यस्ता भ्रमणको आयोजना गरिने छ,' थापा थप्छन् 'भ्रमणमा सहभागी विद्यार्थीहरूले इन्टरन्यासनल एडुकेसन (अन्तर्राष्ट्रिय पढाइ)का साथै इन्टरन्यासनल एक्स्पोजर पनि पाउनेछन्।'
जुन १९ बेलायत निस्केको टोलि जुन २९ मा नेपाल फर्कने छन्। यस भ्रमणमा कलेजका २६ र २७ औं ब्याच सहभागी भएको र ब्याच २८, २९ र ३० का विद्यार्थी पनि भ्रमणमा जाने तयारीमा छन्। भ्रमणमा कलेजका तर्फबाट निर्देशक अमृत थापा र मनोज कुमार श्रेष्ठ, कलेज प्रमुख प्रमोद पौडेल र शैक्षिक सञ्चालन प्रमुख अच्युत तिम्सिना सहभागी छन्।
