सिटी एक्सप्रेस मनी ट्रान्सफरले गत सोमबार आफ्नो १६ औं वार्षिकोत्सव मनाएको छ।
सिटी एक्सप्रेस मनी ट्रान्सफरले 'समृद्धीको उत्सव' भन्ने मुल नाराका साथ १६ औं वार्षिकोत्सवको अवसरमा १६ वर्षसम्मको निरन्तर यात्रामा सहयात्री भई साथ दिने ग्राहकहरू, नियामक निकाय एवम् साझेदार संस्थाहरूमा धन्यवाद व्यक्त गरे। कम्पनीले आगामी दिनहरूमा अझ सुदृढ सेवा र सुविधा दिँदै ग्राहकहरूको जीवनमा सहजता प्रदान गर्ने प्रतिबद्धता जनाएको छ।
सिटी एक्सप्रेसले रेमिटेन्स क्षेत्रमा आफ्नो छुट्टै पहिचान बनाउँदै 'जहाँ नेपाली, त्यहाँ सिटी एक्सप्रेस' भन्ने नारालाई आत्मसाथ गर्दै बिगत १५ वर्षदेखि संसारभरबाट विप्रेषण सेवा प्रदान गर्दै आइरहेको छ।
आन्तरिक विप्रेषण अन्तर्गत सिटी एक्सप्रेसका देशभर छरिएर रहेका १५,००० भन्दा बढी भुक्तानी केन्द्रहरू मार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाइल वालेटमा लोड गर्न सकिने जस्ता सुविधाहरू प्रदान गर्दै आइरहेको छ।
