अमेरिकी गायन रियालिटी शो 'अमेरिकन आइडल' का उपविजेता नेपाली युवा दिवेश पोखरेल 'अर्थर गन' सांगितिक प्रस्तुतीका लागि नेपाल आउने भएका छन् ।
गायक पोखरेललाई डेनिस बियर ब्राण्ड टुबोर्गले यसै महिना नेपाल ल्याउने तयारी गरेको बताएको छ।
सन् २०२० को अमेरिकन आइडलमा फस्ट रनरअप भएका उनी त्यसयता पहिलोपटक नेपाल आउन लागेका हुन्।
पोखरेलले काठमाडौं, पोखरा, चितवन, बुटवल, धरानलगायत नेपालका विभिन्न शहरहरूमा प्रत्यक्ष सांगीतिक प्रस्तुती दिने बताइएको छ।
टुबोर्गले ब्रेन सर्भिसिङ र एम.एन्. इभेन्ट्ससँगको सहकार्यमा उनलाई नेपाल ल्याउन लागेको हो।
उनी अमेरिकन आइडल अडिसनबाट चर्चित छन् जहाँ उनले बब डिलनको गर्ल फ्रम द नर्थ कन्ट्री र क्रीडेन्स् क्लियरवाटर रिभाईभल्को ह्याब् यु एभर सिन द रेन नामक गीतहरू गाएका थिए।
