आर्थर गन् नामले प्रचलित गायक दिवेश पोखरेलले आफ्नो टुबोर्ग होमकमिङ टुरको निरन्तरता दिइरहेका छन्।
क्लब प्लाटिनम काठमाडौं, लाइम एन् लेमन लाउन्ज चितवन र रोलिङ स्टोन्स पोखराको व्यापक सफलतापछि गत बुधबार पनि लर्ड बुटवलमा उक्त टुरलाई भरपु्र दर्शकहरूमाझ जारी राखेका छन्।
उक्त कार्यक्रममा‘उनले के पीर पर्यो तिमीलाई? गीतबाट सुरू गरेका थिए । 'लभ इज माई रिडेम्पसन', 'न्यानो घर' जस्ता उनका लोकप्रिय गीतहरूबाट दर्शकले मनोरञ्नन लिए।
टुरको उद्घाटनमा काठमाडौं, चितवन, बुटवल र पोखराका दर्शकहरुको माया र समर्थन पाएपछि आर्थरले धरान, बिर्तामोड र कीर्तिपुर जस्ता नेपालका बाँकी शहरहरूमा प्रत्यक्ष प्रस्तुति दिनेछन्।
सन् २०२० मा अमेरिकी गायन रियालिटी शो अमेरिकन आइडल १८ औं सिजनको एक हिस्सा बनेपछि आर्थर गनको लोकप्रियता निकै बढ्यो ।
धेरैले उनलाई त्यही प्लेटफार्मका प्रतिभाशाली सहभागीका रूपमा चिनेका छन् ।
उक्त सिजनको उपविजेता भएका आर्थरको भिन्न प्रकारको स्वरलाई धेरै कलाकारले प्रशंसा गरेका छन् ।
टुबोर्गले नेपालमा आफ्नो सुरूवात देखि नै नेपाली संगीत क्षेत्रको उत्थानका लागि समर्थन गर्दै आएको बताएको छ।
