नेपाल वाल प्लास्ट इन्डस्ट्रिजले आफ्ना उत्पादनहरू बजारमा ल्याएको छ।
घर निर्माण गर्दा निर्माण सामाग्री विशेष गरी सिमेन्ट तथा बालुवाको गुणस्तरमा पर्याप्त जानकारी नहुने समस्या नेपाली समाजमा विद्यमान रहेकोले उक्त उत्पादन ल्याएको कम्पनीले बताएको छ।
माटो, स्लिट तथा अन्य अनावश्यक वस्तुहरू मिसिएको बालुवाको प्रयोगले मिश्रण बलियो नहुनु, दक्ष जनशक्तिको अभाव, मिश्रणमा एक रूपता नहुने, ढुवानी तथा भण्डारणको समस्या, निर्माण कार्य समयमै पुरा गर्न नसकिने, भविष्यमा संरचनाबाट पानीको चुहावटको समस्या, क्रर्याकको समस्या तथा अन्य निर्माण कार्य सम्बन्धित समस्याहरू समाधान गर्न नेपाल वाल प्लास्टले आफ्ना उत्पादनहरू बजारमा ल्याएको बताइएको छ।
निर्माण र उत्पादनको क्षेत्रमा लामो अनुभव हासिल गरेको व्यवस्थापन टोलीद्वारा स्थापित यस नेपाल वाल प्लास्ट इन्डस्ट्रिजले बालकुमारी हार्डवेयर नैकापको सहकार्यमा म्यासकट अनावरण तथा उत्पादनहरूको अभिमुखीकरण कार्यक्रम आयोजना गरी कम्पनीले यस्तो जानकारी दिएको हो।
चन्द्रागिरी नगरपालिकाका नगर प्रमुख घनश्याम गिरीको प्रमुख आतिथ्य तथा उपप्रमुख बसन्ती श्रेष्ठको विशिस्ट आतिथ्यमा सम्पन्न भएको सो अनावरण कार्यक्रममा कम्पनीका सञ्चालकहरू, डिलर, इन्जिनियर तथा निर्माणकर्ताहरू गरी १८० बढीको उपस्थिति रहेको कम्पनीले जनाएको छ।
अत्याधुनिक कारखानामा इटालियन उच्च प्रविधि तथा कम्प्युटराइज प्रणाली र अनुभवी दक्ष प्राविधिक जनशक्तिद्वारा उत्पादित हुने वालप्लास्ट, इटालियन वर्नरको साथ थ्री रिट्र्न सिलिङ ड्रायर भएको पुर्ण स्वचालित प्लान्टबाट १०० प्रतिशत, धुलो माटोरहित ग्रेडिङ गरिएको बालुवा, अन्तर्राष्ट्रिय गुणस्तरको सिमेन्ट र विशेष पाउडर तथा अन्य सामग्री मिश्रण गरी निर्माण गरिएको तयारी मोर्टार नेपाली निर्माण बजारका लागि नौलो उत्पादन रहेको कम्पनीले जनाएको छ।
कम्पनीले उत्पादन गरेको पाँच थरिका उत्पादित ड्राइ मिक्स मोर्टारको बारेमा जानकारी दिनका लागि कार्यक्रमको आयोजना गर्न गरेको जनाएको छ ।
नेपालमा ड्राइ मिक्स मोर्टार नयाँ र नौलो उत्पादन हो। यसको निर्माण क्षेत्रमा अवसर हेर्दै ग्राहकसामु आफ्नो उत्पादन पुर्याउन तथा निर्माण क्षेत्रको व्यापक विश्लेषण गर्दै यसलाई प्रभावकारी बनाइ दीर्घकालीन रूपमा आफ्नो व्यावसायिक प्रतिष्ठा जोगाउन लागि परेको कम्पनीले बताएको छ।
कम्पनीले न्यून कार्वन मान्यतालाई कठोरताका साथ पालना गर्ने हुँदा उपभोक्ता, समुदाय र समाजको स्वास्थ्यप्रति पूण प्रतिबद्ध रही आफ्ना उत्पादनलाई बजारमा ल्याउने बताएको छ।
उत्पादन तथा बजार व्यवस्थापनमा विविध चुनौती रहेता पनि आफ्ना उत्पादनका विशेषताहरुले गर्दा हरेक समस्यालाई चिर्दै अगाडि बढ्ने कम्पनीको प्रतिबद्धता रहेको छ।
कम्पनीले आफ्ना उत्पादनको गुणस्तर र विशेषताबारे स्पष्ट पार्दै पानी राख्नासाथ प्रयोग गर्न मिल्ने, जसले गर्दा समयको बचत तथा मितव्ययी हुने, उत्पादकत्वमा वृद्धि हुन गई कम लागतमा काम सम्पन्न हुने हुँदा उत्पादनको बजार मूल्य सस्तो हुने जनाउँदै, मेसिन मिक्स भएका कारण एकनासको गुणस्तर रहिरहने कम्पनीको दाबी रहेको छ ।
